La Ski Challenge 2012 cumenza
La SC:12 cumenza cun ina premiera: davent dals 2 da december pudais ir il Super-G da Beaver Creek. Suenter suonda la cursa da Val d’Isère, in ulteriura cursa da Super-G. Mez december datti l’emprima cursa rapida, numnadamain quella da Gröden. Suenter Nadal pudais mussar voss inschign tar la cursa da Bormio. Il schaner datti lura ils classichers da Wengn e Kitzbühel. Ils termins da las cursas chattais qua: http://www.skichallenge.ch/rm/overview
Per mintga cursa datti puncts da la cuppa mundiala. Suenter la cursa rapida dal Hahnenkamm èsi enconuschent tgi ch’è il victur da la cuppa mundiala. Pia vali da mobilisar tut las forzas, pertge i dat era quest onn attractivs premis. Per il pli spert datti ina fin d’emna exclusiva cun Didier Cuche e Patrick Küng.
Nov: webplayer
Per l’emprima giada datti la Ski Challenge betg mo sco gieu ch’ins sto installar sin PC e Mac, mabain era sco gieu en il brower. La versiun „Webplayer“ è be disponibla per Windows. Vus pudais pia eleger sche vus vulais installar il gieu u giugar quel direct sin www.skichallenge.ch. La nova versiun da Webplayer pussibilitescha era da communitgar novs records da temps u recumpensas direct via voss profil da Facebook. Plinavant porscha la versiun SC:12 Features opziunals ch’empermettan bler divertiment e tensiun. Rumpai tut las reglas usitadas cun il nov “modus da Rowdy” u empruvai da glischnar sin glatsch viv cun la funcziun “Glatsch extrem”. Questas funcziunalitads vegnan messas online en il decurs da la stagiun.
Pagina da fans tar Facebook
Avant las cursas datti mintgamai tips e trics co ins po ir il pli spert atras las schicanas e lieus hanads da las cursas. Sin la pagina da fans uffiziala da Facebook «SF Ski Challenge» pudais vus s’inscuntrar cun auters giugaders e barattar ora tips ed i dat las pli novas infuraziuns davart la Ski Challenge 2012. N’essas anc betg fan? Lura cliccar sin “plai a mi”: www.facebook.com/sfskichallenge
Premis
Giai cun skis e gudagnà attractivs premis.
Ina purschida da
Partenari da medias
